Hvergerðingurinn Anna Guðrún Halldórsdóttir landaði þriðja Evrópumeistaratitlinum í röð á Evrópumeistaramóti öldunga í ólympískum lyftingum sem fram fór í Waregem í Belgíu 19.–27. júní.
Anna Guðrún varð Evrópumeistari í flokki W55 -86 kg. Anna Guðrún lyfti 58 kg í snörun og 76 kg í jafnhendingu, samtals 134 kg og tryggði sér þar með gullverðlaunin. Hún hafnaði jafnframt í 16. sæti af 417 keppendum sem kláruðu keppni þvert á flokka.
Íslenskir keppendur náðu glæsilegum árangri á mótinu, níu keppendur kepptu fyrir Íslands hönd og uppskáru tvo Evrópumeistaratitla auk fjölda góðra einstaklingsárangra.