Knattspyrnudeild Selfoss hefur fengið miðvörðinn Þorstein Aron Antonsson á láni frá enska félaginu Fulham út júnímánuð.
Það þarf ekki að kynna Þorstein fyrir Selfyssingum en hann á að baki 30 meistaraflokksleiki fyrir félagið og lék hann síðast með liðinu síðasta sumar. Þorsteinn lék einnig stóran þátt í liði Selfoss sem komst upp úr 2. deild sumarið 2020.
Þorsteinn er kominn með leikheimild og verður því væntanlega í hópnum þegar Selfoss mætir Aftureldingu í fyrsta leik tímabilsins á föstudagskvöld klukkan 19:15 á JÁVERK-vellinum.