Það styttist í að körfuknattleiksvertíðin hefjist en um helgina lauk hinu árlega æfingamóti, Icelandic Glacial mótinu í Þorlákshöfn.
Það voru heimamenn í Þór sem unnu mótið að þessu sinni en auk þeirra tóku þátt Fjölnir, Grindavík og Njarðvík.
Þór og Njarðvík unnu tvo sigra áður en kom að einvígi þeirra í lokaleik mótsins og þar stóðu Þórsarar uppi sem sigurvegarar.
Keppni í úrvalsdeildinni hefst þann 3. október en daginn eftir taka Þórsarar á móti Stjörnunni í 1. umferð deildarinnar.