Þór Þorlákshöfn er úr leik í bikarkeppni karla í körfubolta eftir 76-96 tap gegn Njarðvík á heimavelli í kvöld.
Njarðvíkingar byrjuðu betur í leiknum og leiddu 13-25 eftir 1. leikhluta en Þórsarar komu til baka í 2. leikhluta og staðan var 45-45 í hálfleik.
Gestirnir voru sterkari í síðari hálfleik og réðu lögum og lofum í 4. leikhluta þar sem Þórsarar skoruðu aðeins 8 stig.
Kinu Rochford var sterkur í liði Þórs með 26 stig, 17 fráköst og 4 varin skot. Nikolas Tomsick skoraði 19 stig og sendi 9 stoðsendingar og Jaka Brodnik svkoraði 10 stig.
Þar með er ljóst að ekkert sunnlenskt lið verður í pottinum þegar dregið verður í 8-liða úrslitum á morgun.