Eftir 15 ára veru í deild þeirra bestu er lið Þórs Þorlákshöfn fallið niður í 1. deild karla í körfubolta. Þórsarar töpuðu gegn deildarmeisturum Grindavíkur í lokaumferðinni í kvöld.
Þórsarar mættu til leiks með með kassann úti í kvöld og leikurinn var í járnum framan af. Í 2. leikhluta náði Grindavím 14-2 áhlaupi og staðan í hálfleik var 53-42. Grindvíkingar voru skrefinu á undan allan seinni hálfleikinn og héldu Þór í hæfilegri fjarlægð allt til loka. Lokatölur urðu 108-94 og Þórsarar fallnir.
Djordje Dzeletovic var framlagshæstur Þórsara með 22 stig og 10 fráköst og Dachon Burk var sömuleiðis atkvæðamikil með 18 stig og 12 stoðsendingar.
Þór varð í 11. sæti deildarinnar með 12 stig, tveimur stigum á eftir nýliðum Ármanns sem héldu sæti sínu en ÍA fer niður í 1. deildina ásamt Þór.
Grindavík-Þór Þ. 108-94 (22-20, 31-22, 29-24, 26-28)
Tölfræði Þórs: Djordje Dzeletovic 22/10 fráköst, Dachon Burk 18/12 stoðsendingar, Rafail Lanaras 15/5 fráköst, Lazar Lugic 13/8 fráköst, Emil Karel Einarsson 9, Davíð Arnar Ágústsson 8, Arnór Daði Sigurbergsson 3, Ísak Júlíus Perdue 2, Baldur Böðvar Torfason 2, Skarphéðinn Árni Þorbergsson 2.