Uppsveitir tóku á móti Þorláki á Laugarvatni í 5. deild karla í knattspyrnu í kvöld. Gestirnir messuðu yfir Uppsveitamönnum og unnu stórsigur, 1-8.
Föst leikatriði Þorláks reyndust Uppsveitum erfið en mörk fyrri hálfleiks komu upp úr hornspyrnu, vítaspyrnu og aukaspyrnu, 0-3 í hálfleik.
Þorlákur bætti fjórða markinu við í upphafi seinni hálfleiks en á 57. mínútu minnkaði Auðunn Ingi Hafsteinsson muninn og staðan orðin 1-4. Þorlákur var þó rétt að hitna, þeir skoruðu fjögur mörk á síðasta hálftímanum og sigruðu örugglega.
Þorlákur lyfti sér upp í 4. sæti A-riðils með sigrinum og er með 10 stig en Uppsveitir síga niður töfluna og eru nú í 6. sæti með 9 stig.