Þórsarar unnu magnaðan sigur á Haukum í toppslag 1. deildar karla í körfubolta í kvöld. Á sama tíma lagði Selfoss Fjölni en Hamar tapaði á heimavelli gegn Snæfelli.
Leikur Hauka og Þórs var hin besta skemmtun og sveiflurnar miklar. Þórsarar voru ívið sterkari í fyrri hálfleik og staðan í leikhléi var 40-50, Þór í vil. Haukar svöruðu fyrir sig í 3. leikhluta og komust yfir 74-70 en mögnuð byrjun Þórsara í 4. leikhluta lagði grunninn að sigrinum. Þór skoraði 17 stig í röð og sigraði að lokum 90-106. Þór fékk gott framlag úr öllum áttum en Jovan Sljivancanin var stigahæstur með 23 stig og Djordje Dzeletovic framlagshæstur með 22 stig, 9 fráköst og 6 stoðsendingar.
Það tók Selfyssinga smá stund að fóta sig gegn Fjölni í Grafarvoginum. Staðan var 24-23 eftir 1. leikhluta en eftir það tóku Selfyssingar völdin og unnu sannfærandi sigur. Staðan í hálfleik var 40-52 en Selfossliðið hafði öll völd í seinni hálfleik og sigraði að lokum 81-106. Avery Sullivan var stigahæstur Selfyssinga með 25 stig og 8 fráköst.
Hamar tók á móti Snæfelli og þar byrjuðu gestirnir betur. Staðan var 12-26 eftir 1. leikhluta en Hamar tók við sér í 2. leikhluta og staðan var 38-39 í hálfleik. Snæfell náði undirtökunum í 3. leikhluta og varðist öllum áhlaupum Hamars í 4. leikhluta og Hólmarar unnu að lokum 78-84 sigur. Joshua Hardiman var stigahæstur Hvergerðinga með 20 stig en Jose Medina var framlagshæstur með 19 stig og 14 stoðsendingar.
Staðan í deildinni er þannig að Þórsarar eru í toppsætinu með 14 stig, Selfoss er í 4. sæti með 10 stig og Hamar er í 9. sæti með 4 stig.
Haukar-Þór Þ. 90-106 (22-24, 18-26, 34-20, 16-36)
Tölfræði Þórs: Jovan Sljivancanin 23/8 fráköst/5 stoðsendingar, Djordje Dzeletovic 22/9 fráköst/6 stoðsendingar, Sigvaldi Eggertsson 22/7 fráköst, Emil Karel Einarsson 15, Skarphéðinn Árni Þorbergsson 10/5 fráköst, Halldór Garðar Hermannsson 8/7 fráköst/11 stoðsendingar, Ísak Júlíus Perdue 3, Davíð Arnar Ágústsson 3.
Fjölnir-Selfoss 81-106 (24-23, 16-29, 20-29, 21-25)
Tölfræði Selfoss: Avery Sullivan 25/8 fráköst, Aristote Bissokot 22/5 fráköst, Tristan Máni Morthens 19/6 fráköst, Gísli Steinn Hjaltason 11, Fjölnir Morthens 10/7 fráköst/7 stoðsendingar, Halldór Benjamín Halldórsson 8, Óðinn Freyr Árnason 6, Sigurður Darri Magnússon 3/4 fráköst, Hafþór Elí Gylfason 2.
Hamar-Snæfell 78-84 (12-26, 26-13, 16-24, 24-21)
Tölfræði Hamars: Joshua Hardiman 20/8 fráköst, Jose Medina Aldana 19/14 stoðsendingar, Lúkas Aron Stefánsson 13/6 fráköst, Birkir Máni Daðason 8/6 fráköst, Fotios Lampropoulos 7/5 fráköst, Egill Þór Friðriksson 6, Atli Rafn Róbertsson 5.
