Dregið var í 32-liða úrslit í bikarkeppni karla og kvenna í körfubolta í dag. Þór Þ. og Selfoss fá erfið verkefni í þessari fyrstu umferð bikarsins.
Þór Þorlákshöfn dróst á móti Valsmönnum á meðan Selfyssingar munu fá Stjörnuna í heimsókn. Þá mætir Laugdælir/Uppsveitir 1. deildarliði KV en Hamar heimsækir utandeildarlið Aftureldingar.
Leikirnir í 32-liða úrslitunum fara fram dagana 18.-19. október.
Einnig var dregið í 32-liða úrslit kvenna í dag, þar voru 17 lið skráð til leiks Selfoss og Þór Þ eru á meðal þeirra fimmtán liða sem sitja hjá og fara beint í 16-liða úrslitin.