Þór Þorlákshöfn vann stórsigur á Þór Akureyri í 1. umferð 1. deildar karla í körfubolta á Akureyri í kvöld. Leiknum lauk með 82-121 sigri Þorlákshafnar-Þórsara.
Ölfusingar voru sterkari á öllum sviðum leiksins og voru komnir með gott forskot í hálfleik, 38-56. Munurinn jókst enn frekar í 3. leikhluta þar sem Þórsarar skoruðu 40 stig og þegar flautað var til leiksloka skildu 39 stig liðin að.
Djordje Dzeletovic átti stórleik fyrir Þór Þ, skoraði 32 stig og tók 15 fráköst. Joey Holifield skoraði 19 stig og þeir Halldór Garðar Hermannsson og Jovan Sljivancanin skoruðu báðir 15.
Þór Ak.-Þór Þ. 82-121 (19-32, 19-24, 28-40, 16-25)
Tölfræði Þórs Þ: Djordje Dzeletovic 32/15 fráköst, Joey Holifield 19/4 fráköst/7 stoðsendingar, Halldór Garðar Hermannsson 15/6 stolnir, Jovan Sljivancanin 15/8 fráköst, Sigvaldi Eggertsson 12/9 fráköst/7 stoðsendingar, Skarphéðinn Árni Þorbergsson 10, Davíð Arnar Ágústsson 9, Emil Karel Einarsson 4/7 fráköst, Arnór Daði Sigurbergsson 3, Ísak Júlíus Perdue 2.