Þór Þorlákshöfn tapaði á heimavelli í kvöld gegn Haukum í úrvalsdeild karla í körfubolta.
Þórsarar litu ágætlega út framan af og leiddu 46-41 í hálfleik. Í seinni hálfleiknum jöfnuðu Haukar fljótlega 50-50 og eftir það var leikurinn í járnum langt fram í 4. leikhluta. Haukar voru skrefinu á undan á lokamínútunum og skoruðu síðustu fimm stigin í leiknum sem tryggði þeim 88-97 sigur.
Vincent Shahid var sprækastur hjá Þórsurum með 25 stig og 8 stoðsendingar. Nýr leikmaður liðsins, hinn franski Jordan Semple skoraði 4 stig og tók 7 fráköst.
Staðan í deildinni er þannig að Þór er í 11. sæti með 6 stig en Haukar eru í 4. sæti með 18 stig.
Þór Þ.-Haukar 88-97 (24-19, 22-22, 25-30, 17-26)
Tölfræði Þórs: Vincent Shahid 25/4 fráköst/8 stoðsendingar, Styrmir Snær Þrastarson 17/7 fráköst/5 stoðsendingar, Pablo Hernandez 17/6 fráköst, Fotios Lampropoulos 15, Tómas Valur Þrastarson 10/6 fráköst, Jordan Semple 4/7 fráköst.