Lið Hamars/Þórs er komið í 2-0 í einvíginu gegn Fjölni um sæti í úrvalsdeild kvenna í körfubolta. Liðin mættust í Grafarvoginum í kvöld þar sem Hamar/Þór sigraði 77-79.
Hamar/Þór leiddi 16-22 eftir 1. leikhluta en Fjölnir beit hressilega frá sér í 2. leikhluta og staðan var 44-39 í hálfleik. Fjölnir leiddi nánast allan 3. leikhlutann en Hamar/Þór náði stjórninni aftur í 4. leikhluta.
Síðasti fjórðungurinn var æsispennandi. Hamar/Þór hafði átta stiga forskot þegar fimm mínútur voru eftir en þá kom Fjölnir til baka og staðan var 73-74 þegar mínúta var eftir. Eftir mikinn hasar jafnaði Fjölnir 77-77 með þrettán sekúndur á klukkunni en Bergdís Anna Magnúsdóttir skoraði sigurkörfu Hamars/Þórs þegar tvær sekúndur voru eftir.
Jada Guinn var framlagshæst hjá Hamri/Þór með 22 stig, 4 fráköst og 7 stoðsendingar.
Liðin mætast í Þorlákshöfn á laugardaginn í leik þrjú og með sigri þar mun Hamar/Þór tryggja sér sæti í úrvalsdeildinni.
Fjölnir-Hamar/Þór 77-79 (16-22, 28-17, 13-18, 20-22)
Tölfræði Hamars/Þórs: Jada Guinn 22/4 fráköst/7 stoðsendingar, Mariana Duran 20/7 fráköst, Ana Clara Paz 19/8 fráköst, Jovana Markovic 6/13 fráköst, Bergdís Anna Magnúsdóttir 6, Jóhanna Ýr Ágústsdóttir 6