Selfyssingar töpuðu fyrir Fram í fyrstu umferð Lengjubikarsins í knattspyrnu í Egilshöllinni í dag. Lokatölur voru 2-0.
Framarar komust yfir á 12. mínútu en eftir markið tók við langur kafli þar sem afskaplega fátt markvert átti sér stað. Framarar áttu þó stangarskot um miðjan seinni hálfleik.
Framarar bættu svo við öðru marki á 90. mínútu með skoti úr aukaspyrnu frá miðju, yfir Jóhann Ólaf Sigurðsson markvörð sem var kominn út í teiginn til að skamma liðsfélaga sína.