Stokkseyringar stóðu vel í toppliði GG í C-riðli 4. deildar karla í knattspyrnu en liðin mættust í Grindavík í kvöld.
Heimamenn komust yfir á 25. mínútu og reyndist það eina mark fyrri hálfleiks.
Eysteinn Orri Valsson jafnaði metin fyrir Stokkseyri í upphafi seinni hálfleiks en fimm mínútum síðar skoruðu GG-menn aftur og tryggðu sér 2-1 sigur.
Stokkseyri er í 5. sæti C-riðils með 6 stig en lið GG er ósigrað í toppsætinu með 18 stig.