Sverrir Pálsson skrifaði á dögunum undir tveggja ára samning við handknattleiksdeild Selfoss.
Sverrir er einn af þeim leikmönnum sem kom Selfoss upp um deild á sínum tíma og hefur verið lykilmaður í sterkri vörn Selfyssinga síðan þá.
Í tilkynningu frá handknattleiksdeildinni kemur fram að þar á bæ séu menn og konur gríðarlega ánægð með að Sverrir hafi samið við Selfoss.
„Það verður spennandi að fylgjast með honum sem og liðinu öllu í vetur undir handleiðslu nýráðins þjálfara, Gríms Hergeirssonar,“ segir í tilkynningunni.