Selfyssingar náðu í sitt fyrsta stig í 2. deild karla í knattspyrnu í dag þegar þeir heimsóttu Hvíta riddarann að Varmá í Mosfellsbæ.
Selfoss byrjaði betur í leiknum og Aron Lucas Vokes kom þeim yfir með glæsimarki strax á 9. mínútu. Það reyndist eina mark fyrri hálfleiks og staðan var 1-0 í leikhléi.
Seinni hálfleikur var markalaus og allt virtist stefna í fyrsta sigur Selfoss í sumar, þar til á lokamínútu leiksins að Hvíti riddarinn náði að lauma inn jöfnunarmarki og þar við sat, 1-1.
Selfoss er í 10. sæti deildarinnar með 1 stig en Hvíti í 8. sætinu með 2 stig.