Sveinn Andri Sveinsson hefur samið við handknattleiksdeild Umf. Selfoss til tveggja ára. Sveinn Andri kemur frá þýska liðinu Empor Rostock.
Áður hafði hann verið á mála hjá Aftureldingu en er uppalinn ÍR-ingur.
Sveinn er útispilari og getur leyst flestar stöður. Í tilkynningu frá Selfyssingu segir að Sveinn Andri komi til með að styrkja hóp meistaraflokks karla í Olísdeildinni í vetur og að Selfyssingar séu gríðarlega ánægðir með að Sveinn Andri taki slaginn með Selfoss.