Styrmir bikarmeistari og liðið í fjórða sæti

Bikarkeppni 15 ára og yngri í frjálsum íþróttum fór fram á dögunum á Varmárvelli í Mosfellsbæ. Alls voru níu lið skráð en HSK sendi tuttugu keppendur til leiks, með varamönnum.

Mikil samheldni og stemning var í hópnum og voru allir tilbúnir að leggjast á árarnar og gera sitt allra besta fyrir liðið. Hver keppandi má keppa í tveimur greinum, auk boðhlaups.

Styrmir Dan Steinunnarson, Umf. Þór, sigraði 100 m grindarhlaup á tímanum 15,03 sek og varð einnig í 1. sæti í langstökki þar sem hann stökk 5,72 m.

Pétur Már Sigurðsson, Selfossi, varð í 2. sæti í kringlukasti með kast uppá 37,74 m og í hástökki stökk hann 1,70 m sem skilaði honum 2. sætinu.

Jónína Guðný Jóhannsdóttir, Selfoss, varð í 2. sæti í kringlukasti með kast upp á 30,26 m og í 3. sæti í kúluvarpi þar sem hún varpaði kúlunni 9,61 m.

Í stigakeppninni urðu HSK-stúlkur í 5. sæti með 49 stig, HSK-piltar voru í 3. sæti með 54 stig og í heldarstigakeppninni hafnaði HSK í 4. sæti með 103 stig.