Stokkseyri vann stórsigur á Létti í lokaumferð riðlakeppni 5. deildar karla í knattspyrnu á Stokkseyrarvelli í dag. Lokatölur urðu 5-1.
Hafþór Berg Ríkharðsson kom Stokkseyringum yfir strax á 4. mínútu og á eftir fylgdu mörk frá Steinari Aroni Magnússyni og Gunnari Flosa Grétarssyni. Léttir minnkaði muninn í 3-1 á 36. mínútu og þannig stóðu leikar í hálfleik.
Það var minna fjör í seinni hálfleiknum, Hafþór Berg skoraði sitt annað mark á 78. mínútu og á lokamínútunni hamraði Arilíus Marteinsson boltann í þverslána og inn og tryggði Stokkseyringum 5-1 sigur.
Stokkseyri lýkur keppni í 2. sæti B-riðils sem er stigamet hjá félaginu. Framundan er úrslitakeppni deildarinnar, þar sem Stokkseyri mætir annað hvort Skallagrím eða Smára.