Búið er að draga í fyrstu tvær umferðir Bikarkeppni KSÍ. Stórleikur 1. umferðar verður háður á Þorlákshafnarvelli.
Þar mætast hinir fornu fjendur, Þór Þorlákshöfn og Stokkseyri. Sigurliðið úr þessum leik fær 1. deildarlið Fjölnis í heimsókn.
Gnúpverjar taka á móti Þrótti Vogum og sigurvegarinn úr þeirri rimmu mætir annað hvort Elliða eða Birninum. Hamar fær Vængi Júpiters í heimsókn og með sigri heimsækja Hvergerðingar Hómer eða Augnablik í 2. umferð.
Ægismenn heimsækja Ísbjörninn í Grafarvoginn og sigurliðið úr þeim leik mætir Víkingi Ólafsvík. Árborg fær Víði Garði í heimsókn og liðið sem sigrar í þeim leik mætir annað hvort KFR eða KB, sem eigast við í 1. umferð rétt eins og í fyrra.
Bikarkeppnin hefst þann 1. maí en 32-liða úrslitin verða leikin fyrstu vikuna í júní.