Kvennalið Selfoss í knattspyrnu fékk stóran skell þegar liðið heimsótti Íslandsmeistara Vals á Hlíðarenda í A-deild Lengjubikarsins í knattspyrnu í kvöld.
Þórdís Elva Ágústsdóttir skoraði þrennu fyrir Val á hálftíma kafla í fyrri hálfleik en Katrín Ágústsdóttir minnkaði muninn í uppbótartíma fyrri hálfleiks. Staðan var 3-1 í leikhléi.
Staðan versnaði í seinni hálfleiknum og eftir fjórtán mínútna leik hafði Valur skoraði tvö mörk og staðan orðin 5-1. Yfirburðir Vals héldu áfram og þær bættu við tveimur mörkum á síðustu tuttugu mínútum leiksins og lokatölur urðu 7-1.
Staðan í deildinni er þannig að Selfoss er í 5. sæti með 3 stig, eins og Valur sem er í 3. sætinu, en þetta var fyrsti sigur Vals í Lengjubikarnum í vor.