Eftir fimm sigurleiki í röð lutu Stokkseyringar í gras þegar þeim mættu RB í Reykjaneshöllinni í 5. deild karla í knattspynur í kvöld.
RB fékk vítaspyrnu strax á 3. mínútu og komst yfir úr henni. Heimamenn bættu við öðru marki á 30. mínútu en Jón Jökull Þráinsson minnkaði muninn fyrir Stokkseyri á 44. mínútu. Enn var tími fyrir RB að skora, þeir bættu þriðja markinu við á lokamínútu fyrri hálfleiks og staðan var 3-1 í leikhléi.
Heimamennirnir byrjuðu seinni hálfleikinn betur og skoruðu tvisvar á fyrstu tuttugu mínútunum. Staðan var orðin 5-1 þegar Stokkseyringar svöruðu loksins fyrir sig, Karl Jóhann Einarsson skoraði tvívegis með stuttu millibili og þegar korter var eftir var staðan 5-3.
Þær urðu lokatölur leiksins, RB stöðvaði áhlaup Stokkseyringa og batt þar með enda á sigurgöngu strandarstrákanna. Þrátt fyrir tapið er Stokkseyri enn í 2. sæti B-riðilsins með 16 stig en RB er í 3. sæti með 13 stig.