Stokkseyringar lögðu land undir fót og mættu Hömrunum á Akureyri í 5. deild karla í knattspyrnu í dag.
Þetta var ekki ferð til fjár og Stokkseyringar komu stigalausir heim.
Fyrri hálfleikur var markalaus en á 66. mínútu komust Hamrarnir yfir. Þeir bættu svo við öðru marki í blálokin og lokatölur urðu 2-0.
Stokkseyri er í 5. sæti B-riðils í 5. deildinni með 1 stig en Hamrarnir með 6 stig í toppsætinu.