Lið Stokkseyrar fékk slæma útreið þegar það mætti KFS í C-deild Lengjubikars karla á Selfossi í dag. Eyjamenn höfðu betur, 0-7.
Leikurinn var markalaus allt fram á 25. mínútu þegar KFS skoraði þrjú mörk á tólf mínútna kafla og staðan var 0-3 í hálfleik.
Fjórða mark KFS leit dagsins ljós á 49. mínútu og þeir bættu svo þremur mörkum við á síðustu fimmtán mínútum leiksins.
Þetta var annar leikur Stokkseyringa í riðlinum og sitja þeir nú á botni hans án stiga með markatöluna 0-10.