![Arilíus Þorkell](https://www.sunnlenska.is/wp-content/uploads/2023/01/Arilius-THorkell-696x482.jpeg)
Stokkseyringar munu leika í 5. deild karla í knattspyrnu í sumar en ekki í utandeild KSÍ eins og til stóð.
„Því miður er ekki hægt að skrifa þetta á frábæran árangur nýrra þjálfara. Staðreyndin er sú að Álafoss dró sig úr keppni á Íslandsmótinu og við fáum sæti þeirra í 5. deildinni. Það breytir því þó ekki að það er jafnvel tilefni til þess að halda lokahóf um helgina,“ sagði Arilíus Óskarsson, annar þjálfara Stokkseyrar, léttur í samtali við sunnlenska.is.
Arilíus tók við þjálfun liðsins í vetur ásamt Þorkeli Þráinssyni en þeir verða báðir spilandi þjálfarar á Stokkseyri.
Fimmta deildin er ný deild á Íslandsmótinu sem spiluð er í tveimur átta liða riðlum og tvö efstu liðin fara í úrslitakeppni. Stokkseyri er með Hamri í A-riðlinum en KFR er í B-riðlinum.