Stokkseyri varð í 4. sæti 5. deildar karla í knattspyrnu eftir 2-1 tap gegn Smára í leik um 3. sætið í Kópavogi í kvöld.
Jón Jökull Þráinsson kom Stokkseyringum yfir á 19. mínútu en Smári jafnaði á 30. mínútu og staðan var 1-1 í hálfleik.
Það var hart barist í seinni hálfleiknum en Smári gerði út um leikinn með marki á 61. mínútu og þar við sat.
Fjórða sætið í 5. deildinni er besti árangur Stokkseyringa í sögu ungmennafélagsins en liðið sýndi virkilega góð tilþrif í sumar undir stjórn hins skapheita Arilíusar Marteinssonar.