Stokkseyri heimsótti KB í Breiðholtið í C-deild deildarbikars karla í knattspyrnu í kvöld.
KB menn misstu mann af velli með rautt spjald eftir 26 mínútna leik og eftirleikurinn reyndist nokkuð auðveldur fyrir Stokkseyringa.
Marteinn Maríus Marinósson kom Stokkseyringum yfir á 31. mínútu og sex mínútum síðar tvöfaldaði Arilíus Óskarsson forystu þeirra.
Staðan var 0-2 í hálfleik og Arilíus var aftur á ferðinni á 75. mínútu og innsiglaði 0-3 sigur Stokkseyringa.
Stokkseyri er í 3. sæti riðils-3 í C-deildinni með 3 stig, jafnmörg stig og KB sem er í 4. sæti.