Á dögunum var undirritaður nýr samstarfssamningur milli knattspyrnudeildar Selfoss og Sláturfélags Suðurlands sem gildir út árið 2019.
Knattspyrnudeildin heldur á hverju ári stór sumarmót fyrir stráka og stelpur á Selfossi þar sem boðið er uppá grillaðar pylsur fyrir keppendur og mótsgesti þar sem vörur frá SS eru í aðalhlutverki.
Stærstu starfstöðvar SS eru á Suðurlandi og er mikil ánægja með áframhaldandi samstarf við fyrirtæki í heimabyggð.
Það voru Jón Steindór Sveinsson, formaður knattspyrnudeildar Umf. Selfoss og Benedikt Benediktsyni, framleiðslustjóri SS, sem rituðu undir samninginn. Með þeim á myndinni eru þær Halldóra Birta Sigfúsdóttir, Magdalena Anna Reimus og Unnur Dóra Bergsdóttir leikmenn Pepsi-deildarliðs Selfoss.