Knattspyrnufélag Rangæinga vann sinn fyrsta sigur á Íslandsmóti kvenna í knattspyrnu í kvöld þegar liðið heimsótti Álftanes í 2. deildinni.
Karen Hildago kom KFR yfir á 33. mínútu og staðan var 0-1 í hálfleik. Það var hart barist í seinni hálfleiknum en á 77. mínútu tvöfaldaði Soffía Náttsól Andradóttir forskot KFR og tryggði þeim um leið 0-2 sigur.
KFR lyfti sér upp í 10. sæti deildarinnar með sigrinum, liðið er nú með 4 stig en Álftanes er í 11. sætinu með 2 stig.