Hvergerðingurinn Snæfríður Sól Jórunnardóttir bætti eigið Íslandsmet í 200 m skriðsundi í undanrásum á Ólympíuleikunum í Tokyo í morgun.
Snæfríður synti á 2:00,20 mín og bætti metið um 0,3 sekúndur. Hún varð áttunda í sínum riðli og endaði í 22. sæti í greininni en sextán efstu keppendurnir komust í úrslit. Þetta var í fyrsta skipti sem Snæfríður, sem er tvítug, stingur sér til sunds á Ólympíuleikum.
Snæfríður keppir einnig í 100 m skriðsundi á Ólympíuleikunum og fer sú keppni fram kl. 10 á miðvikudagsmorgun.