Hvergerðingurinn Snæfríður Sól Jórunnardóttir setti í dag nýtt Íslandsmet í 200 m skriðsundi í 25 metra laug þegar hún synti á tímanum 1:58,97 mín.
Snæfríður Sól keppir með liði sínu AGF í Árósum í dönsku bikarkeppninni í sundi um helgina.
Hún synti fyrsta sprett í boðsundi í dag og náði þar mettímanum og bætti 11 ára gamalt met sem Sigrún Brá Sverrisdóttur setti á EM25 í RIGA árið 2008 um 48 hundraðhluta úr sekúndu. Gamla metið var 1:59:45.
Tími Snæfríðar hefði gefið henni 23. sæti á HM-25 sem nú stendur yfir í Hangzhou í Kína.
Snæfríður hefur einnig synt 100m skriðsund á mótinu á tímanum 56,54 sek og varð þriðja í sundinu. Hún synti einnig 50 m skriðsund í dag á tímanum 26,47 sek.
Á morgun, sunnudag, syndir Snæfríður Sól 400 m skriðsund og 4×100 m skriðsund.