Síðastliðinn þriðjudag undirrituðu fulltrúar Sláturfélags Suðurlands og Héraðsambandsins Skarphéðins nýjan samstarfssamning til þriggja ára.
Þetta er mikilvægur samningur fyrir HSK en með honum verður áfram hægt að gefa öllum keppendum HSK sem fara á Unglingalandsmót UMFÍ treyjur, sem nú eru merktar HSK og SS.
Undanfarin ár hafa keppendur HSK vakið athygli fyrir mikla samstöðu á Unglingalandsmótum og hefur skipt miklu máli að þeir hafa verið í samstæðum og merktum treyjum.
Unglingalandsmótið í ár verður á Sauðárkróki um verslunarmannahelgina og nýja treyjan verður afhent næstkomandi mánudag kl. 16:30 til 19:00 í Selinu og auðvitað verða grillaðar SS pylsur á staðnum til þess að fagna þessum tímamótum.