Ægismenn, sem leika í Lengjudeildinni í sumar, fengu skell þegar þeir mættu 3. deildarliði Augnabliks í 1. umferð Lengjubikarsins í Fífunni í gær.
Augnablikar komust yfir á 34. mínútu með marki frá Brynjari Óla Bjarnasyni og staðan var 1-0 í hálfleik.
Jón Veigar Kristjánsson bætti við marki fyrir Augnablik úr vítaspyrnu á 73. mínútu og heimamenn bættu svo við þriðja markinu í uppbótartímanum, þegar Julian Friðgeirsson setti boltann í netið.
Lokatölur 3-0 og stigalausir Ægismenn mæta næst ÍR á útivelli næstkomandi föstudag.