Kvennalið Selfoss fékk skell í sínum fyrsta leik í Lengjubikarnum í knattspyrnu í vor, þegar það mætti Stjörnunni í Miðgarði í Garðabæ í kvöld. Leikurinn var einnig fyrsti leikur liðsins undir stjórn Björns Sigurbjörnssonar.
Það er óhætt að segja að Stjarnan hafi haft töglin og hagldirnar allan leikinn. Selfoss varðist ágætlega á köflum en átti erfitt uppdráttar í sókninni.
Stjarnan leiddi 2-0 í hálfleik og þær bættu svo við þremur mörkum í seinni hálfleik, lokatölur 5-0.