Kvennalið Selfoss heimsótti ÍA á Akranes í 1. deildinni í knattspyrnu í kvöld. Fyrir leikinn voru liðin jöfn að stigum en ÍA vann öruggan sigur og lyfti sér upp töfluna.
Selfoss lenti í brekku strax í upphafi leiks og eftir 26 mínútur var staðan orðin 3-0 og þannig stóðu leikar í hálfleik.
Stevie Reynolds rétti hlut Selfyssinga með marki á upphafsmínútum seinni hálfleiks en Skagakonur svöruðu fljótlega fyrir sig og eftir 58. mínútur var staðan 4-1. Þar við sat allt þar til í uppbótartímanum að ÍA bætti fimmta markinu við og lokatölur leiksins urðu 5-1.
Selfoss er í 7. sæti deildarinnar með 7 stig en ÍA er í 4. sæti með 10 stig.