Uppsveitir tóku á móti Skautafélagi Reykjavíkur í 5. deild karla í knattspyrnu á Laugarvatni í dag. SR gerði út um leikinn í fyrri hálfleiknum en lokatölur urðu 0-3.
Leikurinn var í járnum framan af fyrri hálfleik en um hann miðjan kom skelfingarkafli hjá Uppsveitamönnum og SR skoraði þrjú mörk á tólf mínútum.
Þar við sat, staðan var 0-3 í hálfleik og þrátt fyrir fín tilþrif Uppsveitaliðsins í seinni hálfleik tókst þeim ekki að minnka muninn.
Sigurinn var Skautafélaginu mikilvægur, liðið er í 2. sæti A-riðils með 16 stig og hefur stungið af Uppsveitamenn ssem sitja í 5. sæti með 9 stig.