Selfoss heimsótti Sindra í þriðja leik liðanna í undanúrslitaeinvígi 1. deildar karla í körfubolta í kvöld. Heimamenn léku við hvern sinn fingur á Hornafirði og sigruðu stórt, 103-76.
Það gekk lítið upp í sóknarleik Selfyssinga í fyrri hálfleik og staðan í leikhléi var 56-33. Leikurinn var jafnari í seinni hálfleiknum en Selfyssingum tókst ekki að vinna upp forskot Sindramanna.
Steven Lyles og Tristan Máni Morthens voru stigahæstir Selfyssinga með 16 stig og Lyles tók 6 fráköst að auki.
Staðan í einvíginu er 2-1 fyrir Sindra og fjórði leikur liðanna fer fram á Selfossi á þriðjudagskvöld. Það lið sem fyrr vinnur þrjá leiki mætir Breiðablik í úrslitarimmu um sæti í úrvalsdeildinni.
Sindri-Selfoss 103-76 (22-17, 34-16, 27-25, 20-18)
Tölfræði Selfoss: Tristan Máni Morthens 16, Steven Lyles 16/6 fráköst, Ari Hrannar Bjarmason 11/4 fráköst, Collin Pryor 10/5 fráköst, Óðinn Freyr Árnason 8, Kristijan Vladovic 8/4 fráköst, Fjölnir Morthens 4, Birkir Máni Sigurðarson 3.