Fyrsti leikur Selfoss og Sindra í umspili 1. deildar karla í körfubolta var á Hornafirði í kvöld. Sindramenn voru skrefi á undan nær allan tímann og sigruðu örugglega, 110-87.
Sindri byrjaði af krafti og leiddi 31-20 að loknum 1. leikhluta en Selfyssingar minnkuðu muninn í 2. leikhluta og staðan var 57-49 í hálfleik. Hornfirðingar höfðu svo góð tök á leiknum í seinni hálfleik og hleyptu Selfyssingum aldrei of nálægt sér.
Steven Lyles var stigahæstur Selfyssinga með 25 stig en Collin Pryor var framlagshæstur með 19 stig og 4 fráköst.
Leikur tvö verður í Vallaskóla á mánudagskvöld kl. 19:15.
Sindri-Selfoss 110-87 (31-20, 26-29, 27-18, 26-20)
Tölfræði Selfoss: Steven Lyles 25/4 fráköst, Collin Pryor 19/4 fráköst, Kristijan Vladovic 9, Birkir Máni Sigurðarson 9, Tristan Máni Morthens 7, Fjölnir Morthens 6, Óðinn Freyr Árnason 5/4 fráköst, Halldór Halldórsson 5/5 stolnir, Ari Hrannar Bjarmason 2.