Símon Gestur Ragnarsson og Bergrós Björnsdóttir, bæði úr Umf. Selfoss, voru verðlaunuð þegar Lyftingasamband Íslands verðlaunaði lyftingafólk ársins 2020 í desember síðastliðnum.
Símon Gestur var valinn ungmenni ársins í flokki U20 ára og Bergrós var valin ungmenni ársins í flokki U15 ára.
Símon Gestur er nítján ára gamall og keppir nú í -96 kg flokki, en hann keppti í -89 kg flokki fyrr á árinu 2020. Símon hefur keppt í Ólympískum lyftingum síðan í febrúar 2019 og í dag á hann Íslandsmetið í snörun, bæði í -89 kg flokki junior með 119 kg og í -96 kg flokkum junior og U23 með 121 kg. Símon Gestur varð Norðurlandameistarari í -96 kg flokki 20 ára og yngri í desember síðastliðnum. Besta mót Símons á árinu var á Íslandsmeistaramóti unglinga í -89 kg flokki. Þar setti hann Íslandsmetið í snörun 119 kg og tók 132 kg í jafnhendingu sem skilaði honum 292 Sinclair stigum.
Bergrós keppir í -64 kg flokki en hún hóf að keppa í lyftingum í desember 2019, þá á sínu tólfta aldursári. Bergrós á nú fimm Íslandsmet í U15 og U17 ára flokkum en þau met setti hún á Norðurlandameistaramóti unglinga í desember. Hún setti átta önnur Íslandsmet á árinu en best á hún 65 kg í snörun, 75 kg í jafnhendingu, 140 kg í samanlögðu og 182,6 Sinclair stig. Þess má geta þess að Bergrós, sem er aðeins 13 ára, snarar 1,5 kg yfir eigin líkamsþyngd.
