Selfoss tók á móti Keflavík í 1. deild kvenna í knattspyrnu á Selfossvelli í kvöld. Eina mark leiksins kom strax á 3. mínútu og það skoruðu Keflvíkingar.
Gestirnir skoruðu markið úr hornspyrnu á 3. mínútu og þar við sat. Bæði lið áttu fína spretti í leiknum og Selfoss sótti stíft að marki Keflavíkur á lokakaflanum en inn vildi boltinn ekki og lokatölur urðu 0-1.
Með sigrinum fór Keflavík upp í 4. sæti deildarinnar með 16 stig og fór þar með upp fyrir Selfoss, sem situr nú í 5. sæti með jafnmörg stig.