Á aðalfundi Umf. Selfoss árið 2020, þar sem árið 2019 var gert upp og tókst loks að halda í fjarfundi miðvikudaginn 16. desember síðastliðinn, var tilkynnt að Sigurður Þór Ástráðsson hlyti Björns Blöndal bikarinn sem félagi ársins hjá Umf. Selfoss árið 2019.
Sigurður Þór er einn dyggasti stuðningsmaður Umf. Selfoss og mætir á alla heimaleiki hvort sem er í handbolta eða fótbolta. Hann er auk þess virkur í heimaleikjaráði handboltans og keyrir rútuna fyrir karlalið Selfoss í alla útileiki.
Það var við hæfi að Guðmundur Hólmar Helgason afhenti Sigurði Þór viðurkenninguna áður en hann keyrði strákana í leikinn gegn Fram í gær.