Ægir vann gríðarlega mikilvægan heimasigur á Einherja í 3. deild karla í knattspyrnu í dag.
Bæði lið eru að daðra við falldrauginn og því var 3-0 sigur Ægismanna sex stiga virði í dag.
Stefan Dabetic kom Ægismönnum yfir í fyrri hálfleik og í seinni hálfleiknum bættu Petar Banovic og Pétur Smári Sigurðsson við mörkum fyrir Ægi.
Með sigrinum lyfti Ægir sér upp í 8. sæti deildarinnar með 24 stig en Einherji er með 23 stig í 9. sætinu.