Sigríður Ósk Harðardóttur hefur verið ráðin framkvæmdastjóri fimleikadeildar Umf. Selfoss.
Sigríður Ósk er öllum hnútum kunnug í fimleikaheiminum. Hún hefur þjálfað fimleika í 23 ár, lengst af hjá fimleikadeild Selfoss, bæði meistaraflokk, miðstig og yngri hópa. Sigríður er reynslumikill fimleikadómari og hefur meðal annars tekið alþjóðlegt dómarapróf. Þá hefur hún verið í jólasýningarnefnd fimleikadeildarinnar síðastliðin ár og átt stóran þátt í undirbúningi sýningarinnar. Hún þekkir því alla króka og kima deildarinnar.
Sigríður Ósk hefur störf þann 1. janúar næstkomandi en hún tekur við af Bergþóru Kristínu Ingvarsdóttur, sem hefur sinnt starfi framkvæmdastjóra undanfarin tvö ár.