Sigþór Helgason, Umf. Selfoss, vann fjóra Íslandsmeistaratitla á Unglingameistaramóti Íslands í frjálsum íþróttum sem haldið var um helgina í Reykjavík.
HSK/Selfoss sendi öflugt lið til leiks og stóð það sig mjög vel. Níu Íslandsmeistaratitlar komu i hús hjá HSK/ Selfoss, þrjú silfur og átta brons. Í einstökum flokkum varð HSK/Selfoss í 2. sæti í tveimur þeirra, hjá 16-17 ára stúlkum og 20-22 ára piltum.
Síðast en ekki síst voru tvö HSK met slegin en það var annarsvegar Eva Lind Elíasdóttir, Þór sem bætti sitt eigið met 60 m grindahlaupi 16-17 ára úr 9,30 sek. í 9,29 sek. og sigraði hlaupið og hinsvegar boðhlaupssveit stúlkna 16-17 ára sem bætti HSK metið í 4×200 m boðhlaupi um rúma hálfa sek. er kom í mark á 1:51,80 mín. Sveitina skipuðu þær Eva Lind Elíasdóttir Þór, Andrea Sól Marteinsdóttir og Sólveig Helga Guðjónsdóttir báðar frá Selfossi og Elinborg Anna Jóhannsdóttir Laugdælum. HSK/Selfoss varð í fjórða sæti í stigakeppni mótsins. ÍR-ingar báru höfuð og herðar yfir aðra andstæðinga og sigruðu með 497,8 stigum,
Sigþór Helgason, Umf. Selfoss, stóð sig frábærlega en hann keppti í fjórum einstaklingsgreinum í 15 ára flokki pilta og sigraði þær allar. Hann stökk pilta hæst í hástökki með því að vippa sér yfir 1,76 m og bæta sig um 1 cm innanhúss, varpaði kúlunni langlengst allra eða 13,56 m sem er bæting um 17 sm, bætti sig um 9 cm í langstökki með 5,77 m og stökk 11,69 m í þrístökki. Sigþór var síðan í bronsveit HSK/Selfoss í 16-17 ára flokki í 4×200 m boðhlaupi á tímanum 1:46,50 mín. Með honum í sveitinni voru Baldvin Ari Eiríksson Selfossi og Arnar Einarsson og Víkingur Freyr Erlingsson úr Vöku.
Eva Lind Elíasdóttir frá Þór, sem keppir í 16-17ára flokki, var drjúg að vanda. Hún sigraði í kúluvarpi með 12,90 m kasti og 60 m grindahlaupið á 9,09 sek eins og áður segir. Þá varð hún þriðja í 60 m hlaupi á fínum tíma 8,34 sek. Í þessum sama flokki vann Selfossi bronsverðlaun í 400 m hlaupi á 63,11 sek sem er gott fyrsta hlaup á keppnistímabilinu. Thelma Björk Einarsdóttir sömuleiðis í kúluvarpinu er hún varpaði 11,47 m og Elínborg Anna Jóhannsdóttir, Laugdælum, í þrístökki þegar hún jafnaði sinn persónulega besta árangur og stökk 10,20 m. Dagný Lísa Davíðsdóttir, Selfoss, keppti í nokkrum greinum í flokki 15 ára og meðal annars nældi hún sér í bronsverðlaun í hástökki er hún stökk 1,49 m.
Í elsta flokknum hjá piltunum var HSK/Selfoss með öfluga einstaklinga. Hreinn Heiðar Jóhannsson, Laugdælum, tók tvo titla, í langstökki þegar hann bætti sig um 18 sm innahúss og stökk 6,47 m og í 60 m grindahlaupi er hann rannt skeiðið á 9,29 sek. Hreinn nældi sér síðan í silfur í þrístökkinu með því að stökkva 12,35 m, en þar sigraði Bjarni Már Ólafsson, Vöku, á 13,28 m stökki, og brons í kúlvarpi með 10,90 m kasti. Bjarni Már varð síðan að láta sér lynda annað sætið í langstökkinu á eftir Hreini, er hann stökk 6,28 m.