Selfyssingar unnu góðan sigur á HK í úrvalsdeild kvenna í handbolta í kvöld þegar liðin mættust í Set-höllinni á Selfossi. Lokatölur urðu 28-25.
Það var jafnræði með liðunum allan fyrri hálfleikinn, liðin skiptust á um að hafa forystuna en HK leiddi í hálfleik, 12-13.
Það sama var uppi á teningnum í seinni hálfleik, leikurinn hnífjafn og þar var ekki fyrr en á síðustu fimm mínútunum að Selfyssingum tókst að skora þrjú mörk í röð og tryggja sér þar með sigurinn.
Perla Ruth Albertsdóttir var markahæst Selfyssinga með 8 mörk, Arna Kristín Einarsdóttir, Hulda Hrönn Bragadóttir og Malgorzata Trawczynska skoruðu 4, Eva Lind Tyrfingsdóttir 3, Hulda Dís Þrastardóttir 2 og þær Andzelika Petroll, Emelía Ósk Aðalsteinsdóttir og Harpa Valey Gylfadóttir skoruðu allar 1 mark.
Selma Þóra Jóhannsdóttir varði 14 skot í marki Selfoss.
Selfoss er í 7. sæti deildarinnar með 4 stig en HK í 8. sæti með 2 stig.