![Bergros 2023](https://www.sunnlenska.is/wp-content/uploads/2023/10/Bergros-2023-696x443.jpg)
Selfyssingurinn Bergrós Björnsdóttir tryggði sér í gær Íslandsmeistaratitilinn í CrossFit kvenna. Bergrós er aðeins 16 ára gömul og var að keppa í fyrsta skipti í kvennaflokki, langyngst og vann öruggan sigur.
Árangur Bergrósar á mótinu var magnaður, hún sigraði í fjórum greinum af sjö en helsti keppninautur hennar var Hvergerðingurinn Guðbjörg Valdimarsdóttir, Íslandsmeistari síðasta árs. Guðbjörg varð í 2. sæti en hún sigraði í einni grein af sjö og varð aldrei neðar en í fjórða sæti í hverri grein.
Fleiri Sunnlendingar náðu góðum árangri á mótinu. Jón Þorri Jónsson, Crossfit Selfoss, sigraði örugglega í flokki 14-16 ára en hann sigraði í fjórum af fimm greinum í flokknum og Selfyssingurinn Anna Dóra Ágústsdóttir, Crossfit Hengli, varð Íslandsmeistari í flokki kvenna 50+. Þá varð Stokkseyringunni Henning Jónasson, Afrek Fitness, í 2.-3. sæti í flokki 40-49 ára karla.
![](https://www.sunnlenska.is/wp-content/uploads/2023/10/Jon-Thorri-2023.jpg)
![](https://www.sunnlenska.is/wp-content/uploads/2023/10/Henning.jpg)
![](https://www.sunnlenska.is/wp-content/uploads/2023/10/Anna-Dora-2023.jpg)