Þriðja umferð Íslandsmótsins í motocross fór fram þann 18. júlí síðastliðinn á Höfn í Hornafirði í umsjón Akstursíþróttafélags Austur-Skaftafellssýslu.
Rúmlega 60 keppendur tóku þátt að þessu sinni og áttu keppendur frá Ungmennafélagi Selfoss frábæran dag og voru í verðlaunasætum í fjórum flokkum.
Eric Máni Guðmundsson sigraði í MX2 flokki, Alexander Adam Kuc varð í 2. sæti í MX1 flokki, Ísmael Ísak Michaelsson David varð í 2. sæti í unglingaflokki á 125 cc og Sindri Steinn Axelsson varð í 3. sæti í hobbyflokki.
Fjórða og síðasta umferð Íslandsmótsins fer svo fram á Akureyri um næstu helgi.
