Selfyssingar sigursælir á sundmóti

Selfoss vann stigakeppni félaganna á héraðsmóti HSK í sundi sem haldið var haldið í sundlauginni í Laugaskarði í Hveragerði í síðustu viku.

Selfoss fékk 82 stig, Hamar varð í öðru sæti með 54 stig og Suðri í því þriðja með 14 stig. Þrjú félög sendu keppendur til leiks.

Selfyssingar tryggðu sér fimm HSK meistaratitla, en Sara Ægisdóttir vann þrjár greinar og Sigurleif Sigurðardóttir og Hallgerður Höskulsdóttir einn titil hvor.
Hamarskeppendur unnu einnig fimm titla. Guðjón Ernst Dagbjartsson vann þrjár greinar og María Clausen vann tvær.
Suðrakeppandinn Skúli Bárðarsson tryggði svo sínu félagi einn titil.

Heildarúrslit og fleiri myndir eru á heimasíðu HSK.