Tuttugusta páskamót Júdófélags Reykjavíkur og Góu fór fram laugardaginn 26. apríl síðastliðinn en að venju er það haldið fyrstu helgina eftir páska.
Mótið er vinsælasta og fjölmennasta mót ársins hjá yngri judo iðkendunum og er opið öllum klúbbum.
Júdódeild Umf. Selfoss var með þrjátíu keppendur á mótinu að þessu sinni. Flestir þessara ungu iðkenda eru að stíga sín fyrstu skref í keppni og fengu allir þátttakendur verðlaun að móti loknu.