Síðasta umferð í mótaröðinni Enduro fyrir alla var haldin í Þorlákshöfn síðastliðna helgi en þar hefur ekki verið haldin keppni í fjöldamörg ár.
Fimmtíu keppendur voru skráðir til leiks, keppnin er 90 mín þolakstur sem endaði í næstum tveimur tímum í krefjandi sandinum.
Tveir ungir félagsmenn frá motocrossdeild Umf. Selfoss náðu frábærum árangri í keppninni en Alexander Adam Kuc varð annar á tímanum 1:55,00 klst og Eric Máni Guðmundsson varð þriðji en hann kom í mark 50 sekúndum á eftir Alexander.