Selfoss er úr leik í bikarkeppni karla í handbolta eftir tap gegn HK á útivelli í 2. umferð keppninnar í kvöld.
HK skoraði fyrstu tvö mörkin og leiddi allan fyrri hálfleikinn. Munurinn varð mestur fimm mörk en Selfoss skoraði tvö síðustu mörkin í fyrri hálfleik og staðan var 12-9 í leikhléi.
Munurinn hélst í 2-3 mörkum lengst af seinni hálfleik en undir lok hans juku HK-menn muninn enn frekar og Selfyssingar áttu engin svör.
Hannes Höskuldsson var markahæstur Selfyssinga með 7/1 mörk, Haukur Páll Hallgrímsson skoraði 4, Valdimar Örn Ingvarsson 3, Anton Breki Hjaltason og Álvaro Mallols 2 og þeir Elvar Elí Hallgrímsson, Guðjón Óli Ósvaldsson, Hákon Garri Gestsson, Tryggvi Sigurberg Traustason og Jónas Karl Gunnlaugsson skoruðu allir 1 mark.
Alexander Hrafnkelsson varði 12 skot í marki Selfoss og var með 31% markvörslu.